سفر حجازْ
حضرت غوث العالم ساحل روم سے بحری راستے سے بذریعۂ کشتی حجاز کے لیے روانہ ہو ئے، اثنائے راہ میں ہوا کم ہوگئی اور تین دن ہوانہ چلی، کشتی لنگرانداز ہوگئی، سارے مسافر پریشان ہو گئے۔ ادھر حضرت پر عجیب استغراق کا عالم طاری تھا۔ نماز اور وظائف کے اوقات کے علاوہ آپ کو ہوش ہی نہیں رہتا تھا، جب مسافروں کی بے چینی اور پریشانی حد سے بڑھ گئی اور ہوا نہ چلنے کی وجہ سے صورت حال تشویشناک ہی نہیں بلکہ خطرناک ہوگئی اورمسافروں کی جان کا خطرہ لاحق ہوگیا تو مجبوراً حضرت کو صورت حال کی خبر دی گئی۔ اور خطرے سے آگاہ کیا گیا۔ توحضرت مسکرا دئے اور فرمایا مجھ کو مجذوب شیرازی کا ایک شعر یاد آرہا ہے اس کوپڑھناچاہئے تو ہوا چل جائے گی ؎
کشتی شکشتگانم اے یاد شرط برخیز
باشد کہ بازبینم آں یار آشنارا
اے سمندری ہوا توچل پڑ اس لیے کہ میں کشتی شکشتہ ہوں ہو سکتا ہے کہ تیری وجہ سے دوبارہ میں اپنے محبوب کو دیکھ لوں۔
ابھی پوراشعر ختم بھی نہیں ہوا تھا کہ ہوا چل گئی اورکشتی تیزی کیساتھ اپنی منزل کی طرف روانہ ہوگئی۔ حجازپہونچ کر آپ نے مناسک حج ادا فرمائے۔ ایک دن مشائخ حرم نے آپ سے وعظ کے لیے اصرارکیا۔ اس وقت حرم شریف میں بڑا مجمع تھا۔ آپ نے زبان عربی میں بڑی فصیح وبلیغ تقریرفرمائی،آپ کی تقریر سن کر لوگ دنگ رہ گئے اور اس قدر متأثر ہوئے کہ یہاں بہت سے لوگ آپ کے دامن سے وابستہ ہو گئے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972